o blog da COVA DA TERRA

Aviso para os seguidor@s do blog: Mudámonos!!

2010-02-17T08:45:00.006Z

A Cova da Terra acaba de actualizar a súa páxina web, polo que a partir de agora poderedes seguir o seu traballo en: A Cova da Terra.

Club de Lectura: Próxima reunión

2010-02-05T08:53:00.002Z

A Cova da Terra e Implicadas/os no desenvolvemento poñen en marcha a próxima reunión dos clubs de lectura, que será o mércores 10 de febreiro, ás 20:00 horas no local de A Cova da Terra (Rúa Nóreas nº 12 baixo), o libro elexido nesta ocasión é Sete casas en Francia, de Bernardo Atxga. A persoa convidada é Víctor Omgbá (presidente da asociación EQUUS ZEBRA). As reunións pretenden ser participativas e o libro é un pretexto para falar sobre as cuestións que nos preocupan. Agardamos a vosa presencia!!

Triste pero certo... non se pode ocultar a realidade.. e por desgracia é esta...

2010-02-01T12:05:00.002Z

Manifestación Queremos Galego

2010-01-28T13:57:00.002Z

PAREMOS O DECRETAZO CONTRA O GALEGO!

2010-01-22T11:31:00.003Z

Tedes máis información aquí.

Un discurso para escoitar.

2010-01-20T09:25:00.002Z

¿Que che pareceu?

Un blog moi interesante

2010-01-19T12:26:00.002Z

A Filmoteca Insurxente é un blog, onde se recollen unha serie de documentais do máis interesantes. Bótalle un ollo!!!

Talleres no IES de Becerrea

2010-01-18T12:34:00.001Z

A Cova da Terra estivo o xoves e venres no IES de Becerrea, onde se impartiron un obradoiro de papel reciclado e un de xoguetes con materiais reciclados, podedes ver as fotos en acovaeducativa.

Cifras para pensar!!

2010-01-12T09:54:00.002Z

Nos países do Norte, unha porcentaxe media do 20% da comida mercada por unha familia desaprovéitase e tírase ao lixo.

E despois de tanta festa...

2010-01-07T09:02:00.002Z

Aquí tedes un artigo sobre os excesos do Nadal: Reciclar la basura de Navidad. Este artigo pretende ser un pretexto para que reflexionemos sobre a cantidade de residuos que xeramos, sobre todo en datas coma estas.

Que alternativas suxerides para facer un Nadal máis sustentable?

OLLO O DATO!!

2010-01-05T09:56:00.002Z

Sabías que...

A O.I.T. afirma que hai máis de 12 millóns de nenos de 5 a 14 anos que traballan nas chamadas fábricas da suor do Terceiro Mundo, producindo a roupa e calzado, os xoguetes ou os ordenadores que compran os países de Occidente.

Que vos parece??

Feliz 2010!!!

2010-01-04T12:56:00.003Z

A Cova da Terra desexavos un FELIZ 2010!!!

Por un Nadal máis verde...

2009-12-28T12:33:00.002Z

...ou como superar as festas do consumismo. Aquí tedes unha guía para que reflexionedes sobre estas datas.

O Apalpador

2009-12-23T12:28:00.002Z

Moito antes de que a sociedade de consumo importase dos países nórdicos a Papá Noel, en Galiza xa habitaba a figura mítica do Apalpador.

O Apalpador é un home de barba rubia, un vello xigante, que vive nas devesas das altas montañas facendo carbón para escorrentar o frío do inverno.

Na noite do 24 de decembro baixa ata as aldeas, métese polas chemineas nas casas e achégase aos nenos e ás nenas que dormen ao remol das mantas e apálpalles as barrigas para ver se os cativos están ben alimentados. Dálles un bico na meixela e déixalles unha presa de castañas para que non pasen fame.

O Apalpador é moi lambeteiro e se os nenos lle deixan un calcetín ou uns zapatos con algo doce para axudarlle a andar toda a noite visitando todas as casas de todos os nenos galegos, el entrégalles os agasallos de madeira, tea e cartón que fixo coas súas mans no tempo de lecer do resto do ano. Ao Apalpador gústanlle máis os xoguetes feitos á man con materiais naturais como a madeira ou o barro, cheos de cariño e respectuosos co medio ambiente, que aqueles de plástico, automáticos e con pilas que gastan moita enerxía e empobrecen os nenos e nenas doutas partes do planeta.

Aquí tes máis información sobre a historia do Apalpador.

Bo Nadal!!!!

2009-12-22T12:24:00.000Z

Xornada de sensibilización en Monfero!!!

2009-12-21T11:58:00.002Z

Este luns 21 de decembro, acovaeducativa (programa educativo de A Cova da Terra) estivo en Monfero realizando diferentes obradoiros cos rapaces e rapazas de infantil, primaria e secundaria, do CPI Virxe da Cela: marcos de fotos, paus de choiva, coches... Tamén os rapaces e rapazas de 3º de ESO coa axuda das profesoras, montaron un mercadiño con produtos da tenda, e estaba ambientado cunha exposición de Mundo Solidario. Unha xornada do máis agradable. Se queredes ver algunhas fotos deste día tan especial, vísitade acovaeducativa.

Que che parecen este tipo de actividades?

Aminetu Haidar regresa á súa casa!!!

2009-12-18T09:30:00.000Z

Aquí vos van algúns enlaces e máis información para que coñezades:

CEAS-SÁHARA, aquí podedes atopar a plataforma de apoio a Aminetu Haidar.
Todos con Aminetu, un blog que segue as novas relacionadas con Aminetu.
Aminetu Haidar regresa á súa casa do Aauín.
Neste enlace tamén poderedes ver as noticias relacionadas con ela.
Este é o video da concentración en solidariedade con Aminetu Haidar en Vigo, no cal podedes tamén atopar outros vídeos relacionados:

Alegramonos de que estea de volta!!!

Primeira Reunión do Club de Lectura 2009-2010!!

2009-12-17T09:21:00.000Z

Onte mércores 16 de decembro, ás 20:00 horas, tivemos a primeira reunión do Club de lectura, como vos adiantabamos o libro elexido foi "A filla do filósofo". Agardamos vervos para a seguinte!!!

CONCENTRACIÓN EN SOLIDARIEDADE CON AMINETU HAIDAR

2009-12-16T09:54:00.000Z

XOVES, 17 DE DECEMBRO, ÁS 20:00 HORAS, NA PRAZA MAIOR EN LUGO.

Diversas organizacións da sociedade civil lucense, fan un chamamento, en réxime de autoconvocatoria, á cidadanía para que participe nun acto de solidariedade e apoio a Aminetu Haidar e ao pobo saharauí, de indignación e protesta pola ocupación marroquí dende hai 34 anos, de reclamación de medidas por parte da comunidade internacional e en especial ao goberno do estado español, esixindo que asuma as súas responsabilidades por ser forza ocupante do territorio saharauí nese intre recoñecendo oficialmente á RASD (República Árabe Saharauí Democrática) e que se reclame ó Reino de Marrocos a devolución dos territorios ilegalmente ocupados.

Comezo do Club de lectura.

2009-12-15T09:27:00.006Z

Este mércores 16 de decembro, como vos anticipábamos teremos a primeira xuntanza dos Clubs de Lectura, organizados por A Cova da Terra e Implicadas/os no desenvolvemento. O libro elexido é A filla do filósofo. Agardamos vervos!!

Clubs de lectura 2009-2010

2009-12-14T09:13:00.005Z

Este mércores 16 de decembro, ás 20:00 horas, no local de A Cova da Terra, terá a primeira xuntanza dos Clubs de Lectura, do curso 2009-2010, organizados conxuntamente pola Cova da Terra e Implicadas/os no desenvolvemento.

O libro elexido para comezar é A filla do filósofo, e a persoa convidada para esta primeira reunión é Isidro Novo (tradutor da obra).

A Cova da Terra de FESTA!!

2009-12-11T09:36:00.006Z

Onte celebramos o décimo cuarto aniversario, gracias a tod@s por acoompañarnos!!!

A Cova da Terra está de aniversario, VEN A CELEBRALO!!!

2009-12-09T08:32:00.000Z

A Cova da Terra está de aniversario, Xa son 14 anos!!

Únete e ben a celebralo o xoves 10 de decembro, ás 20:30 horas, no local de A Cova da Terra (rúa Nóreas nº 12). Agardamóste!!

(Pica sobre a imaxe para ampliar a invitación e terás máis información)

Remate da II Semana da Sustentabilidade

2009-12-04T13:01:00.000Z

A II Semana da Sustentabilidade rematou onte xoves 3 de decembro, co obradoiro “Espazo aberto: búsqueda de solucións colectivas para a sustentabilidade”, a cargo de César Fernández, membro do Nodo Espiral de España da Academia de Permacultura.

Pleno na proxección Return of the scorcher !!

2009-12-03T10:50:00.000Z

Este mércores, 2 de decembro, dentro da II Semana da Sustentabilidade tivemos a proxección do documental “Return of the scorcher”, sobre os comezos do movemento da Masa Crítica en San Francisco, a cal tivo moi boa acollida, e posteriormente fixose un intercambio de opinión con participantes da Masa Crítica de Lugo.

"A vara de mediar a auga"

2009-12-02T09:36:00.004Z

A segunda sesión desta II Semana Sustentable tivo lugar onte, 1 de decembro, na que se proxectou o documental A vara de mediar a agua e se fixo un pequeno debate a cargo de Jorge da Fonte, membro da USC.

Gustaríanos saber a vosa opinión!!! Que vos pareceu??

Hoxe, mércores, 2 de decembro, ás 20:00 horas, proxección do documental “Return of the scorcher”, sobre os comezos do movemento da Masa Crítica en San Francisco, e posterior debate con participantes da Masa Crítica de Lugo. Únete!!

Ren de Ren na II Semana da Sustentabilidade

2009-12-01T09:28:00.004Z

Onte, ás 20:00 horas, no local de A Cova da Terra arrancou a II Semana da Sustentabilidade coa charla do colectivo Ren de Ren.

Recordade que hoxe, martes 1 de decembro, ás 20:00 horas, no local de A Cova da Terra (Rúa Nóreas, nº 12) tedes outra cita. Esta vez haberá a proxección do documental “A cana de mediar a auga” e posterior debate a cargo de Jorge Dafonte, membro da USC. Agardamóste!!!

II Semana da Sustentabilidade

2009-11-30T10:18:00.003Z

Remate das Cinemas con Conciencia.

2009-11-26T10:10:00.001Z

O mércores 24 de novembro, ás 20:00 horas, no local A Cova da Terra (Rúa Nóreas, nº12), tivo lugar a última proxección de Cinemas con conciencia: O pesadelo de Darwin.

Última proxección das Cinemas con Conciencia!!

2009-11-23T18:14:00.004Z

Este mércores 24 de novembro, ás 20:00 horas, no local A Cova da Terra (Rúa Nóreas, nº12), terá lugar a última proxección de Cinemas con conciencia. Nesta ocasión a proxección será: O pesadelo de Darwin, a que agardamos que asistades. Ánimate!!

Un éxito de público en Cinemas con conciencia!!

2009-11-19T13:51:00.005Z

Onte houbo unha nova proxección dos Cinemas con Conciencia, A dobre cara da moeda.

A dobre cara da moeda

2009-11-17T10:56:00.003Z

Este mércores, 18 de novembro, ás 20:00 horas, no local A Cova da Terra (Rúa Nóreas, nº 12) teremos a seguinte proxección de Cinemas con Conciencia. Nesta ocasión será: A dobre cara da moeda; e posteriormente teremos o coloquio-debate. Anímate!!!

As cifras da desigualdade!!

2009-11-16T10:03:00.000Z

Coca Cola con 600.000 traballadores, foi acusada de persecución contra os sindicatos con “escuadróns da morte” en empresas envasadoras, de explotación laboral e explotación infantil na recolección de laranxas, de discriminación racial...

En América do Sur arruínanse anualmente uns 600 millóns de toneladas de terra fértil xa cultivable, e un número indeterminado de selva virxe ao ano, só en explotacións relacionadas co gando para a produción de hamburguesas para Mc Donalds ou Burguer King.
Para a produción de pantalóns Levi’s, utilizáronse produtos agresivos co medio ambiente e nocivos para a saúde dos traballadores: abonos e pesticidas químicos, cloro, produtos químicos, poliéster...
Cada vez o diñeiro se queda en menos mans e as grandes empresas absorben a outras. O 40% do mercado mundial está dominado unicamente por 325 empresas.

Qué sería do gran poder de todas estas multinacionais si ninguén consumira os seus produtos?
Qué pensas que podemos facer? Mándanos as túas ideas.

Escola de Outono do Espazo por un Comercio Xusto

2009-11-13T09:54:00.000Z

Aquí vos deixamos un video da Escola de Outono do Espazo por un Comercio Xusto. Que o desfrutedes!!

Escuela de Otoño Espacio por un Comercio Justo
Cargado por SODEPAZ. - Vídeos de noticias del mundo entero.

Fame de soia

2009-11-12T09:52:00.000Z

Onte tivemos a segunda proxección de Cinemas con Conciencia: "Fame de soia". Despois de ver o documental sobre a soia transxénica, abriuse un pequeno coloquio co que se pretendía reflexionar sobre o tema. Nel sairon cousas moi interesantes: os cambios que implicou a introducción da soia transxénica, as peaxes do sistema internacional de importación e exportación de alimentos, intereses políticos e económicos disfrazados de axuda humanitaria, as deficiencias nutricionais, poder das multinacionais, modelos de consumo, entre outras moitos aspectos como os biocombustibles, perda da biodiversidade... Destacar as alternativas propostas: reflexionar a nivel individual o noso consumo diario, as plataformas antitranxénicos...

2ª Proxección Cinemas con Conciencia: Fame de soia.

2009-11-10T08:36:00.002Z

Este mércores 11 de novembro, ás 20:00 horas no local A Cova da Terra (Rúa Nóreas, nº 12), terá lugar a segunda proxección dos Cinemas con Conciencia, que organiza A Cova da Terra.
Nesta ocasión será Fame de Soia, a cal seguira un coloquio. Que a disfrutedes!!
Ánimate a participar e difúndeo entre a túa xente, agardámoste!!!

Xornadas forestais

2009-11-09T12:30:00.004Z

Este sábado, 7 de novembro, celebraronse as Xornadas "O consumo consciente de produtos forestais", organizadas por A Cova da Terra e Gaesal.

Xornada: O Consumo Consciente dos Produtos Forestais

2009-11-06T09:32:00.000Z

A Cova da Terra e Gaesal organizan para o sábado 7 de novembro, a Xornada: O Consumo Consciente de Produtos Forestais. Inscríbete (asociacion@covadaterra.org)!!!

Arrancan os Cinemas con Conciencia!!!

2009-11-05T09:22:00.005Z

Este mércores, 4 de novembro, ás 20:00 horas, no local da Cova, era a primeira proxección dos Cinemas con Conciencia: Estación ardiente. Despois de ver a película houbo un pequeno espazo para o debate, para compartir opinóns que resultou moi interesante. Que vos pareceu??? Deixadenos a vosa opinión!!!

Cinemas con Conciencia

2009-11-04T10:30:00.000Z

A Cova da Terra organiza ciclo de cine: Cinemas con conciencia, que terá lugar os mércores 4,11,18, e 25 de novembro, ás 20:00 horas no local A Cova da Terra. Comezamos o día 4 de novembro, coa película Estación Ardente, a que seguirán outras proxeccións como Fame de soia, A dobre cara da moeda ou O pesadelo de Darwin. Anímadevos a ver un Cine diferente!!!

Debate sobre a crise económica en Lugo!!!

2009-11-03T13:03:00.001Z

"A CRISE ECONÓMICA: CAUSAS E SOLUCIÓNS. CAL REFORMA FISCAL?"
DÍA: Xoves, 5 de Novembro
LUGAR: Salón de Actos do Instituto Virxe dos Ollos Grandes (antiguo
Femenino)
HORA: 20 horas

ORGANIZA: ÁGORA ABERTA (ideas, iniciativas e propostas…a tempo.)

Confirmada a participación de:

-XAVIER VENCE: catedrático de Economía Aplicada na USC (BNG)

-XAQUIN FERNANDEZ LEICEAGA: Portavoz do Grupo Socialista no Parlamento
(PSOE)

-pendente de confirmar representante do PP

É seguro que este é un debate de interese para todos os cidadáns. Polo tanto, non perdades oportunidade de facer chegar unha invitación a cantos amigos e amigas, compañeiros e compañeiras podades.

Seguimos a formarnos!!

2009-11-02T08:31:00.007Z

A Cova da Terra participou este sábado, 31 de outubro, no Seminario de Formación: Políticas de compra pública ética e sostible. Un reto para as institucións galegas; organizado pola Comisión de Comercio Xusto e Consumo responsable da que formamos parte.

O 1 e 2 de novembro non uses o móbil !!

2009-10-26T09:30:00.000Z

ATENCIÓN A MENSAXE:

"Dejemos de darles de comer durante un tiempo, sin trabajo y que se den cuenta de que si esto sigue así, nosotros somos los que mandamos.. LAS EMPRESAS DE TELEFONIA MOVILES NOS ESTAN ROBANDO..
Los días 1 y 2 de NOVIEMBRE DEL 2009 todos tengamos el movil apagado. ES LA ÚNICA FORMA EN QUE PODREMOS EXPLICARLES A: MOVISTAR, ORANGE, VODAFONE ,...QUE NO SOMOS IGNORANTES NI VAMOS A SEGUIR PERMITIÉNDOLES QUE NOS METAN LA MANO EN EL BOLSILLO. ENTRE TODOS LOS OBLIGAREMOS A QUE BAJEN POR LO MENOS UN 50% LAS TARIFAS, Y MEJOREN EL SERVICIO. SI NO NOS DEFENDEMOS NOSOTROS, NADIE MÁS LO VA A HACER. Solo si TODOS COLABORAMOS en NO UTILIZAR el MOVIL LOS DIAS 1 Y 2 DE NOVIEMBRE DEL 2009 lograremos demostrarles a esas empresas que los ciudadanos españoles no somos ignorantes, como está demostrado que piensan, pueden juzgar el comportamiento que han tenido las Empresas para con los usuarios hasta el momento."

XA SABES O DÍA 1 E 2 DE NOVEMBRO, NON UTILICES O MÓBIL!!

Que vos parecen estas campañas? Cres que funcionara?

LOOK COOPERANTE

2009-10-23T09:32:00.001+01:00

Lede este interesante artigo de La Voz de Galicia:

Look cooperante

Que vos parecen as estratexias utilizadas?

Acto Pacifista en Santiago

2009-10-22T11:56:00.002+01:00

Participa no ACTO PACIFISTA que, con motivo da Marcha Mundial pola Paz e a Non Violencia, organizan consorciadamente unha serie de entidades e movementos sociais galegos no Teatro Principal de Santiago de Compostela o vindeiro Domingo, día 25, a partir das 12:30 horas.

A presentación de Diagonal

2009-10-22T09:20:00.003+01:00

Como xa vos anticipabamos, este martes 20 de outubro o xornal Diagonal, ás 18:30 horas, estivo no local da Cova presentándonos o seu traballo. Unha iniciativa moi interesante!! Que vos pareceu? Coñecíadela?

Mani: Queremos galego.

2009-10-21T09:08:00.004+01:00

Aquí van algunhas fotos da Mani do domingo en Compostela, a favor do galego, que vos pareceu? E o trato dos medios de comunicación no tratamento da noticia, cál é a vosa opinión? Estiveches alí? Contanos como a viches ti!! Deixanos os teus comentarios!!

Presentación de Diagonal na Cova

2009-10-20T13:11:00.004+01:00

AGARDAMOSTE!!!

Pacto Galego Contra a Pobreza

2009-10-19T13:09:00.000+01:00

Aquí van algunhas fotos da charla de Hugo Torres e da mesa informativa con reparto de materiais, e as urnas para o voto polo Pacto Galego Contra a Pobreza, que se celebrou na Praza Maior. Que vos pareceu esta iniciativa? Deixa os teus comentarios.

Deseño

2009-10-15T20:46:00.005+01:00

Estamos a traballar para mellorar a imaxen do blog. Queremos as túas suxerencias, opinións e comentarios. Según os navegadores ou ordenatas vese distinto, e nos sería útil saber cómo falla para melloralo. Graciñas.

Seguide atentos a pantalla...

Manifestación: Queremos Galego!!

2009-10-14T12:33:00.005+01:00

A Cova da Terra sumase a Plataforma Queremos Galego, polo que vos anímavos a que apoiedes a manifestación convocada ás 12:00 horas, o domingo, día 18 de outubro na Alameda de Compostela, co convencemento de que a nosa lingua é patrimonio de todos os galegos e galegas sen distinción de cores políticas. Podes consultar aquí o horario dos buses.

Tamén está previsto como primeira actividade un debate público arredor da lingua, que terá lugar MAÑÁ XOVES, ÁS 20 HORAS NO INSTITUTO VIRXE DOS OLLOS GRANDES", de Lugo, baixo o título “O IDIOMA: IDENTIDADE, PRESENTE E FUTURO”. Anímate!!

Únete ao voto polo Pacto Galego contra a Pobreza!!!

2009-10-14T11:59:00.004+01:00

En LUGO, coa colaboración do Consello de Asociacións terá lugar:

- Unha mesa informativa con reparto de materiais e acto simbólico coas urnas para o voto polo Pacto Galego contra a Pobreza, que se celebrará na Praza Maior, dende o mércores ata o venres. Tamén se poderá votar no local de A Cova da Terra (Rúa Nóreas nº 12, baixo), no horario de 9:30-14:00horas, e de 17:00 a 20:00 horas. Agardamos o teu voto polo Pacto Galego contra a Pobreza!!!

- Mércores 14 de outubro, ás 20:00 horas, na Galería Sargadelos: Conferencia de Hugo Torres, actualmente deputado do Movimiento Renovador Sandinista, que nos contará dende a súa experiencia, a situación de Nicaragua e cál é a realidade do compromiso cos Obxectivos do Milenium en Nicaragua.

Se queres botar unha man, no horario que mellor che conveña e o tempo do que dispoñas para atender a mesa informativa na Praza Maior, ponte en contacto coa Cova da Terra (982230211, covadaterra@yahoo.es), Taller de Solidaridade ou Axunica.Contamos contigo? Anímate!!

Se podes botar unha man únete a nós, de 18:00-20:00 horas estaremos na Praza Maior. Tamén se algún de vós se anima a montar a mesa noutros horaios, só tedes que propoñelo.

Tamén aproveitamos para animarvos a participar na manifestación que será o sábado 17 de outubro, ás 12:00 horas, en Vigo, e que pecharán os actos da Semana Galega Contra a Pobreza. Máis información aquí.

Agardámoste!!!

A Cova da Terra estivo en Sada

2009-10-13T20:23:00.014+01:00

O sábado 10 de outubro, A Cova da Terra participou en Sada, xunto con outras ONGs, na "Xornada de voluntariado e solidaridade en Familia". Como podedes ver puxemos un stand infomativo e con produtos de comercio xusto e ecolóxico. E ademais, para os rapaces e rapazas, fixemos un obradorio de papel reciclado e paos de choiva, que se completaba con outros xogos, dinámicas, debuxos... e música (un grupo senegales foi o encargado de amenizar a xornada). Foi do máis divertido!!!

Xuntanza na explotación de Arqueixal!!

2009-09-29T11:23:00.010+01:00

Como vos viñamos anunciando, esta fin de semana, A Cova da Terra tiña programada unha xuntanza, na explotación de Arqueixal, en Palas de Rei na parroquia de Albá. Pero ademais desta xornada de traballo, tamén houbo tempo para actividades lúdicas e xuntanza cos nosos colaboradores e colaboradoras, como un xantar comunitario con pinchos e produtos da zona, e unha visita as casas de agroturismo feitas seguindo os criterios de bioconstrucción e a explotación de Arqueixal. Toda unha experiencia!!!

Pleno total na charla de Axunica na Cova!!!

2009-09-24T14:01:00.004+01:00

Que vos pareceu a charla de onte, que nos ofreceron Chilo Talavera (da Fundación Fundavi Apostamos por la vida) e Norma Eliza Chavarría (da Fundación Calli-Tanday (Casa de unión)??

Animadévos e deixade os comentarios!!

III Masa Crítica Galega: Todo un ÉXITO!!!

2009-09-22T09:03:00.019+01:00

A III Masa Crítica Galega celebrouse o pasado sábado 19 de setembro, baixo a participación de numeros@s ciclousuari@s que se achegaron a este encontro, que a pesar da choiva fixeron que fose todo un éxito .

Dende A Cova da Terra queremos agradecer a invitación para estar na Masa Critica Galega lucense, e as persoas que colaboraron con nós para atender o posto.

Aquí vos deixamos cunha pequena mostra deste exitoso evento. !!AS NOSAS FELICITACIÓNS!!

Podes ver aquí máis fotos.

Entre a coz e o farol!

2009-09-21T09:50:00.003+01:00

Interesante a diferencia no tratamento da mesma noticia:

Farol de Vigo:
La Cofradía impide la llegada de un barco con piedra a Massó
http://www.farodevigo.es/portada-o-morrazo/2009/09/03/cofradia-impide-llegada--barco-piedra-masso/364603.html

La Coz de Ghalisia:
La promotora del puerto de Massó denuncia el sabotaje del desembarco de material de obra http://www.lavozdegalicia.es/vigo/2009/09/03/0003_7946094.htm

MC Cruelty

2009-09-15T08:26:00.005+01:00

Seguide este enlace, e coñeceredes: The history of Mc Donald´s cruelty. É unha páxina que está en inglés pero merece a pena que a vexades, ademais ten un vídeo que ilustra esta historia...

Que vos parece?

En relación a este tema vos recomendamos o libro de Somos lo que comemos de Singer Peter, e Mason Jim. A Cova da Terra polo momento non o temos, pero podedes atopalo en Trama.

Animadevos e deixade os vosos comentarios!!!

A Cova na Feira deste fin de semana

2009-09-14T18:47:00.005+01:00

A Cova da Terra estivo este fin de semana en dúas feiras:
-O sábado 12 de setembro, en Aguiño, en Santa Uxía de Riveira (Coruña) na XXXII Romaxe de Crentes Galegos. Tedes aquí máis información sobre as actividades que se realizaron ese día.
- O domingo 13 de setembro na Feira en Doncos (Lugo).

Feira en Incio!!

2009-09-09T11:15:00.012+01:00

O fin de semana pasado como xa vos anticipabamos no boletín, A Cova da Terra estivo nunha feira no Incio. Aquí vai unha pequena mostra da mesma:

Operación Pandemia

2009-09-08T07:28:00.002+01:00

Aquí tes máis información. Que vos parece?

Anímadevos a deixar os vosos comentarios!!!

Mobilizacións do sector leiteiro!!

2009-09-07T17:55:00.003+01:00

Este luns 7 de setembro, celebrabase a reunión do Consello Agrícola que abordaba a crise do sector lácteo en Europa, e na que se discutirían medidas de política leiteira fundamentais para o futuro das explotacións. Aquí podedes ter máis información sobre as diferentes mobilizacións e as últimas novas do que esta a suceder, e neste enlace poderedes ver outras novas relacionadas.

Pero tamén nos gustaría saber a vosa opinión: temos por ahí algún produtor que nos poida dar a súa opinión sobre o tema? E algún consumidor que nos diga o seu punto de vista?
Deixa a túa opinión!!!

Adeus as bolsas de plástico?

2009-09-03T09:27:00.008+01:00

Vede o vídeo e aquí tedes outros documentais e información:"Carrefour dejará de repartir las bolsas de plástico", "Adiós a las boslsas de plástico".

Este é o gram boom do que se está falando ultimamente, os grandes centros comerciais deixarán de repartir bolsas de plástico para "SALVAR O PLANETA", unha medida pola que algunhas persoas e asociacións, como A Cova da Terra, xa apostamos dende hai tempo, e agora se vende como un novo invento. Por iso, queremos saber a vosa opinión, ¿estades a favor desta medida? ¿como vedes que sexan precisamente centros comerciais como Carrefour os que leven a cabo esta campaña? ¿Como crees que os medios de comunicación están tratando o tema? Cales son os vosos trucos para non consumir tantas bolsas de plástico?.... Danos a túa opinión!

Anímate a deixar os teus comentarios, COMPARTE A TÚA OPINIÓN!!!!

Feira de Louzara!!

2009-09-02T08:50:00.022+01:00

A Cova da Terra participou II Feira de Artesanía e produtos naturais en A ponte de Lóuzara. Un día de festa, onde nos encontramos coa Universidade Rural Galega.

Esta xuntanza foi moi interesante porque serviu para comunicarse con pequenos comerciantes e artesáns da zona.

El mundo según Monsanto!!

2009-08-12T10:27:00.002+01:00

Mirade o seguinte documental El mundo según Monsanto corresponde a Parte I, se queredes ver as seguintes podedelas ver aquí:

Animáte a deixar os teus comentarios!!

"¿Quieres ser una gallina ponedora de huevos?"

2009-08-06T08:36:00.003+01:00

Queres ser unha galiña poñedora de ovos?
Mira o seguinte enlace Xaula Virtual e poderas vivir a experiencia visual e auditiva de ser unha galiña en xaula de bateria, a típica galiña poñedora de ovos blancos, eses que se venden ben baratos en calqura tenda. Bótalle unollo non ten desperdicio!!!
Tamén tedes a continuación outro vídeo sobre o mesmo tema, galiñas poñedoras en xaulas de bateria en España:

E animate a deixar os teus comentarios!!!!

Feira en Pardiñas!!!!

2009-08-05T08:30:00.012+01:00

Agora que estamos no verán, a tenda de A Cova da Terra participa en diferentes feiras, co obxectivo de achegar a máis xente os produtos de comercio xusto e ecolóxico. A última feira na que participou A Cova da Terra foi na de Pardiñas, a continuación tedes unha pequena mostra da feira de Pardiñas:

Tamén se queredes participar e botarnos unha man nas feiras infórmate cando é a próxima (982230211, covatenda@yahoo.es ou Rúa Nóreas nº 12) e ÚNETE A COVA DA TERRA!!

Coñece a natureza!!!

2009-08-04T13:43:00.009+01:00

Se vos gusta a natureza e queredes coñecela dende outro punto de vista... Hai un grupo de persoas que aproveitando as vacacións, fins de semana... realizan diferentes rutas. Se estades interesad@s poñémosvos en contacto con eles. A continuación, deixamos algunhas fotos desta última ruta aos Picos de Europa:

"El pobre de siempre está acostumbrado"

2009-08-03T09:48:00.002+01:00

Mirade este vídeo: "Otra versión de la crisis: ¡pobrecitos!"

Por certo: Carmen non é unha actriz nin unha ficción: aquí máis.

Compartide a vosa opinión, que vos parece? Animádevos e deixade os vosos comentarios!!!

Imitadores de Michael Jackson!!

2009-07-08T08:41:00.004+01:00

Aproveitando a publicidade que están facendo estes días a Michael Jackson, e para que pasedes un bo rato recomendarvos MR LONELY, unha pelí dun rapaz que fai de imitador de Michael Jackson. Podedes ver aquí algunhas curiosidades. Ahí vai un pequeno anticipo atopado en youtube:

Que vos parece? Animádevos e deixade os vosos comentarios!!

Tamén dicirvos que se a queredes ver a pelí completa, podedes atopala no local de A Cova da Terra no Centro de Documentación Kandaharia (Rúa Nóreas nº 12), recordarvos que ser usuari@s é gratuito, só tedes que deixarnos os vosos datos e cubrir a folla de préstamos. Infórmate!!

Xornada antitaurina en Sarria!

2009-06-30T09:13:00.005+01:00

Membros de A Cova da Terra, xunto con outras organizacións, participaron na manifestación convocada por Galicia, mellor sen touradas, celebrada este domingo en Sarria contra as corridas taurinas, e onde se reivindicaba outro tipo de espectáculos para a festa de San Xoán.

Contrastade a forma de ver a mesma noticia en dous medios diferentes, a primeira tedela na imaxe superior, e a segunda podedes vela no seguinte enlace, seguro que as persoas que asististedes tedes moito que dicir.

Que vos parece o tema? Estades a favor, en contra...? Deixa os teus comentarios!!!

Aqui podedes ver un vídeo da manifestación:

Almorzo vexetariano!!

2009-06-29T13:16:00.001+01:00

Que vos parece estes almorzo? Deixade as vosas opinións.

Fotos do curso de cociña: Que rico!!!!

2009-06-22T11:28:00.007+01:00

Últimas prazas!!

2009-06-17T09:10:00.007+01:00

ANÍMATE CANTO ANTES!!!!

Últimas prazas!!!!

O curso de cociña: Bases para unha alimentación equilibrada será este sábado 20 de xuño, no horario de 10:00 - 20:00 horas. Será un curso teórico-práctico, onde elaboraremos o noso propio xantar.

Aínda estades a tempo!
Inscríbete: estamos en Rúa Nóreas nº 12, asociacion@covadaterra.org ou no 982230211.

Bases para unha alimentación equilibrada!!!

2009-06-11T09:00:00.004+01:00

A Cova da Terra organiza un curso de cociña: Bases para unha alimentación equilibrada, que terá lugar o sábado día 20 de xuño, en horario de 10:00-20:00 horas, no local de A Cova da Terra (Rúa Nóreas, nº12 baixo). O prezo é de 20 euros (inclúe o xantar ) para o público en xeral e 10 euros para soci@s e asociad@s .

A data límite de inscrición é o mércores 17 de xuño. Anímate canto antes só hai 15 prazas!!

Nova Xuntanza do Club de Lectura!!!

2009-06-09T11:20:00.003+01:00

Este mércores, 10 de xuño, ás 20:30 horas, no local de A Cova da Terra (Rúa Nóreas nº12 ) hai unha nova xuntanza do Club de Lectura, que organiza A Cova da Terra e Implicadas no Desenvolvemento. Nesta ocasión, o libro será Un escuro rumor tralo silencio, de Isidro Novo. Agardamos os vosos comentarios, ANÍMATE A PARTICIPAR!!!

Feira de asociacións censurada por 2º ano consecutivo!!!

2009-06-02T09:13:00.010+01:00

Tierra de niños en A Cova da Terra!!

2009-05-27T09:28:00.003+01:00

Tierra de Niños está a visitar Galicia, senón tivestes a oportunidade de estar con eles onte no local A Cova da Terra, en Lugo, coñecede o programa dos vindeiros días nas diferentes localidades aquí.

Cursos formativos nos que participou A Cova da Terra!!

2009-05-27T09:02:00.004+01:00

A Cova da Terra estivo na I Xornada de Formación da Campaña Pobreza O en Madrid, o pasado 21 e 22 de maio.

A Cova da Terra tamén participou na celebración da Mesa Redonda sobre Comercio Xusto celebrada na Escola de Camiños da Coruña o pasado 21 de abril. Aquí tedes máis información sobre esta.

Fotos Presentación Carmen Neira

2009-05-20T10:24:00.006+01:00

Libros Baladre

2009-05-20T08:51:00.025+01:00

O pasado martes 12 de maio contamos coa presenza de dous representantes do colectivo Baladre, os cales nos presentaron algunhas das súas publicacións e nos falaron do seu traballo sobre Renta Básica, que levan anos desenvolvemendo.

Sabedes o que é a Renta Básica? Cal é a túa idea o respecto? Coñeces algunha experiencia deste tipo? Gustaríache saber máis?... Pois anímate e escribenos a túa opinión sobre o tema, pídenos máis información, comparte con nós artigos, publicacións... DEIXA OS TEUS COMENTARIOS!! A TÚA OPINIÓN CONTRIBUE A ENRIQUECERNOS TODOS!!!

Podedes adquirir na tenda de A Cova da Terra, ou consultar no Centro de Recursos Kandaharia (Rúa Nóreas nº 12 Baixo), as publicacións que nos presentaron así como moitas outras sobre o tema. Anímate e escribe o teu comentario sobre o que che parecen!!

A continuación poñemos unha reseña de cada publicación para que vexades o interesantes que poden resultar:

Caderno: “Unha definición sobre A Renda Básica das Iguais”

No ano 2009 as xentes de Baladre decídense a desenvolver o Estudo de Viabilidade da Renda Básica das Iguais en Galiza, xunto coa colaboración de xentes dos movementos sociais galegos.
Este texto pretende ser un instrumento divulgativo da proposta da RBis en Galiza co que pretendemos chegar a grupos e persoas que andan na procura de ferramentas que abran fendas nun sistema que nesta terra tamén segue producindo desigualdade e inxustiza. A RBis queremos que sexa outro punto de partida máis para que dende os nosos barrios, os nosos grupos, etc. construír outro mundo para o cal é necesario que exploremos e vivamos alternativas como esta.

Nuestros barrios, nuestras luchas. Experiencias de intervención en barrios periféricos
Autores: Xentes de Baladre

É un conxunto de textos que narran experiencias relacionadas coa intervención social nos barrios periféricos. Trátase de experiencias levadas a cabo por persoas que están directamente implicadas en redes sociais dos lugares nos que ocorren as accións.As historias que se contan teñen en común o estar imbricadas no tecido vivo dos barrios e territorios nos que se ubican. Nas páxinas do libro hai implícita unha forma de entender a intervención e o traballo social, que é tamén unha forma de concebir a loita, comprometida coas persoas e as comunidades.

¿República sí o no?
Sobre las sociedades y las formas de gobierno: la propuesta del municipalismo.

Autor: José Iglesias Fernández.

Tal como analiza José Iglesias neste breve ensaio, os chamamentos actuais en pos dunha Terceira República española e os outros proxectos republicanos non deixan de ser, no fundamental, intentos de constituír un réxime similar ás democracias parlamentarias europeas, é dicir, un réxime como o que xa padecemos pero sen a figura do rei. En ningún destes proxectos se cuestionan as estruturas de propiedade e de reparto da riqueza nin os mecanismos de decisión, polo cal non poden ser alternativa para ninguén que aspire a un cambio radical respecto ás bases do sistema actual.O autor, apunta na dirección do municipalismo como horizonte inmediato de transformación cara a unha sociedade descentralizada, con formas de democracia directa e onde se favoreza a economía local, para poder superar a crise económica e ecolóxica á que nos arrastra o capitalismo.

Se vos interesa a fondar máis no tema, tamén podes consultar os seguintes enlaces:

- Zambra

- Artigos de Jose Iglesias en Kaos en la Red.

- Manolo Saez con artigos como: Si se puede cambiar..., Globalización capitalista,

- Outras: ¿Qué es la Renta Básica de los iguales? ou Baladre.

Dende aquí vos animavos a que deixedes os vosos comentarios, que opinades sobre a Renta Básica, contadenos e compartide con nós o que sabedes sobre esta temática, as vosas experiencias, etc. Deixanos a túa opinión!!

Esta tarde...

2009-05-14T13:34:00.002+01:00

E o día de festa...

2009-05-13T13:12:00.033+01:00

Aquí van algunhas fotos da festa do 9 de Maio: Día Internacional do Comercio Xusto. Que as desfrutedes!!!!

Se queredes ver os debuxos dos nenos e nenas que participaron no concurso de dubuxo, en breve estarán colgados no PORTAL EDUCATIVO de A Cova da Terra. Visitao!!!!

Actividades para celebrar o Día do Comercio Xusto!!

2009-05-12T13:36:00.014+01:00

Aquí vai unha mostra das actividades que estivemos facendo co motivo da celebración do Día Internacional do Comercio Xusto, nas que houbo:

O xoves 7 de maio:

Cine- Forum: Nós alimentamos o mundo.

Martes 5 de maio:

- Experiencia cooperante en Bolivia.
Ana de JMV contounos a súa experiencia.

Xoves 30 de abril:

- Grupo deTeatro de Guinea Bissau.

Mércores 29 de abril:

- Charla-coloquio con Montse Peiron.
Un coloquio do máis animado, onde sairon propostas moi interesantes.

Martes 28 de abril:
Contamos coa presenza de Carmen Ruiz, a cal pertence a cooperativa de mulleres El Rosal, e compartiu con nós a súa experiencia.

Xoves 23 de abril:

- Charla con Gustavo Duch.

Como vedes unha chea de actividades, que non remataron ahí, senón que continuou na gran festa do Día 9 de maio.

Gustaríanos saber a vosa opinión, que vos pareceron as actividades? cal vos resultou máis interesante?, novas propostas... o que queirades: DEIXADE OS VOSOS COMENTARIOS!!!

Despois de tanta festa...

2009-05-11T11:43:00.005+01:00

Agardamos vervos!!!

Unha día de festa!!!

2009-05-08T09:40:00.003+01:00

A GRAN TAMBORADA SERÁ DE 12:30 -12:35, para non interferir nos actos do Día de Europa.

Cine forum: "Nosotros alimentamos al mundo".

2009-05-06T12:58:00.004+01:00

Se queredes coñecer un pouco máis o argumento do documental e máis información, podedes consultalo aquí. Non o perdas!!!

Esta tarde!!

2009-05-05T12:44:00.002+01:00

Esta tarde, martes 5 de maio, ás 20:00 horas, no local A Cova da Terra (rúa Nóreas, nº 12 baixo) Ana de JMV, que está de cooperante cunha asociación que se chama Maquiswan e Songowan Ruaska, que en español significa Hecho con las manos y el corazón, presentará as súas experiencias de cooperación en infancia e mulleres, así como os seusprodutos artesáns.

Ánimate a coñecer esta realidade!!

Teatro de Guinea Bissau

2009-04-30T10:01:00.002+01:00

O xoves 30 de abril, ás 20:30 horas, no Auditorio Gustavo Freire, o Grupo de Teatro do Oprimido, de Guinea Bissau, onde presentará a súa obra “Dicidju de Padida” (Desexo da nai), e o posterior coloquio onde teremos a posibilidade de coñecer de máis de cerca esta realidade.
Vide e desfrutade desta obra de teatro, un tanto diferente!!!

Charla con Montse Peiron!

2009-04-29T12:39:00.003+01:00

A charla-coloquio sobre consumo responsable que impartirá Montse Peiron, (membro do Centro de Investigación e Información en Consumo, CRIC, e directora da revista de información para un consumo consciente e transformador “OPCIÓNS”) será o mércores 29 de abril, ás 20:30 horas, no local A Cova da Terra (Rúa Nóreas, nº 12 Baixo). Esta dentro da xira que está a realizar o CRIC por Galicia e constará de dúas partes, unha breve exposición sobre como ve o CRIC o consumo consciente e transformador, e un posterior coloquio para compartir visións sobre como levar novas formas de consumir a práctica, as vantaxes que isto nos aporta e as dificultades que encontramos. Agárdamos vervos!!

Esta tarde, non a perdas!!

2009-04-28T12:42:00.003+01:00

A Cova da Terra participou este fin de semana no curso organizado por Amigos da Terra!!

2009-04-27T10:06:00.003+01:00

A Cova da Terra participou no curso-práctico Cooperación ao Desenvolvemento e Medio Ambiente: a clave para entender a Pobreza, organizado por Amigos da Terra. Este celebrouse este fin de semana no Centro de Educación Ambiental As corcerizas. Respecto o curso dicir que foi moi interesante xa que puxo en contacto dous colectivos diferentes: o ecoloxísta e a cooperación, para traballar de maneira global. E en canto o Centro de Educación Ambiental As Corcerizas, é impresionante, tanto polas súas instalacións como polas numerosas posibilidades de educación ambiental que ofrece!!!

Aquí van algunhas fotos da Charla con Gustavo Duch!!

2009-04-27T09:33:00.006+01:00

Aquí vos poñemos unha pequena mostra da interesante charla, que nos ofreceu Gustavo Duch Guillot, o xoves pasado na Galería Sargadelos, entorno a soberanía alimentaria. Unha actividade organizada por A Cova da Terra e Veterinarios Sin Fronteras. Agardamos que o desfrutarades!

Gustavo Duch Gillot, director de VSF e autor do libro Con los pies en la tierra. Os señores da fame e a construción da soberanía dos pobos, era o título elixido polo poñente para falar deste tema de tanta actualidade.

Conferencia Cooperativa El Rosal

2009-04-24T12:12:00.004+01:00

Martes 28 de abril, ás 20:00 horas, no local A Cova da Terra (Rúa Nóreas nº 12 Baixo), terá lugar a conferencia que impartirá Carmen Ruiz, a cal pertence a cooperativa de mulleres “El Rosal” e nos contará experiencias de produción en Ecuador. Esta estará dentro das actividades que se organizan para a celebración do Día Internacional do Comercio Xusto. Agradecemos que difundades esta información entre a vosa xente, e vos animedes a participar nesta experiencia !!!

Programación de actividades para a celebración do Día Internacional do Comercio Xusto 2009

2009-04-23T12:54:00.001+01:00

Charla con: Gustavo Duch Guillot

2009-04-21T09:43:00.004+01:00

Este xoves 23 de abril, ás 20:00 horas agardavos unha cita na Galería Sargadelos (Praza de Santo Domingo, nº 4).

A Cova da Terra e Veterinarios sen Fronteiras organiza unha charla con Gustavo Duch Guillot, director de VSF e autor do libro Con los pies en la tierra. Os señores da fame e a construción da soberanía dos pobos, será o título elixido polo poñente para falar deste tema de tanta actualidade. Agardamósvos!!!

Cinemas na Cova: The atomic cafe

2009-03-31T08:39:00.003+01:00

Unha nova proxección de Cinemas na Cova, o xoves 2 de abril, ás 20:30 horas no local de A Cova da Terra (Rúa Nóreas nº 12 Baixo). O título nesta ocasión é The atomic café de Jayne Loader, Kevin Rafferty e Pierce Rafferty. Un documental que mostra a recopilación de metraxe esquecido e perdido durante a guerra fría sobre a propaganda pro-nuclear e a bomba atómica. Nela cóntasenos todo o que debemos saber para salvármonos durante un ataque atómico… Non a perdades!!!

Dirixida por: Jayne Loader, Kevin Rafferty y Pierce Rafferty
País: USA
Duración: 86 min.
xénero: Documental
Idioma: Ingles con subtitulos en galego

Xuntanza do Club de Lectura

2009-03-30T08:56:00.004+01:00

O venres pasado tivemos unha nova xuntanza do club de lectura. Esta vez puidemos contar co autor do libro. Adolfo Caamaño falounos de Etiopía, o país onde se desenvolve a trama do libro, púxonos unhas imaxes cunhas paisaxes verdes e moi fermosas, moi diferentes ao que normalmente contan os medios de comunicación sobre ese país. Deunos unha visión apaixoada sobre a importancia de coidar o noso planeta, sobre a fermosura de lugares aínda inexplorados e tamén sobre a importancia da loita polos dereitos das mulleres, plasmados nesa protagonista feminina do libro. Tamén falou do paxaro do mel, que sae no libro e non é unha lenda, existen en distintas partes do mundo, aínda que deben ser difíciles de ver.

Para os máis curiosos e curiosas sabedes que é o que fan estes paxaros?

Hai vai unha pista ten que ver co seu título.

Alguén se atreve con algunha resposta!!!

Club de Lectura: O paxaro do mel

2009-03-24T09:41:00.004Z

Nova reunión do Club de Lectura:

O venres 27 de marzo, ás 20:30 horas no local A Cova da Terra (Rúa Nóreas nº 12), terá lugar unha reunión do Club de Lectura, unha iniciativa de A Cova da Terra e Implicadas no Desenvolvemento. Nesta ocasión o libro escollido é de Adolfo Caamaño “O paxaro do mel”, o cal servirá de pretexto para enriquecer e compartir o coloquio. Agardamos que veñades e o desfrutedes!!!

Argumento:

Os irmáns Kassai e Yaíza, pastores da tribo dos danákil, e Mario, o seu inseparable amigo italiano que chegou ás afastadas Terras de Abisinia para reunirse co seu pai, o agrimensor Cornelio, deberán enfrontarse ao temible míster Angus Harris e a súa banda de zaireños que secuestraron a Saíhda, a súa nai, e a outros veciños da aldea danákil para vendelos como escravos. Os tres afoutos rapaces, coa intención de liberar aos seus, emprenderán unha difícil persecución da caravana de escravos véndose obrigados a atravesar a selva prohibida, onde entre as ruínas dun extraño gran edificio atoparán a árbore do saber, o mono do papiro e seguirán a estela da cor vermella do paxaro do mel. Unha extraordinaria e engaiolante novela de aventuras, ambientada na Abisinia ocupada polos italianos a finais do século XIX.

Cinemas Kandaharia

2009-03-09T12:03:00.004Z

O xoves 12 de marzo, ás 20:00 horas, no local A Cova da Terra (Rúa Nóreas, nº 12 Baixo) teremos outra proxección-debate das Cinemas de Kandaharia, coa que remataremos este ciclo. Nesta ocasión contaremos con dous documentais de Implicadas no Desenvolvemento: “A semente – Etiopía” e “A semente – India”, o posterior debate será levado por unha representante de IND.

Xénero: Documental

Ano: 2006

IND preséntanos dúas curtametraxes localizadas na India e en Etiopía. O traballo céntrase no tema do microcrédito, unha estratexia que axuda a millóns de persoas a saír da pobreza cada día e que ten diferentes vertentes nos distintos países, adaptándose ás necesidades das poboacións.
O traballo pretende achegarnos ás protagonistas cunha estética afastada do artificio e próxima á realidade de pobreza e superación das mulleres, coa dobre discriminación que padecen, e que tentan superar cada día a través destas iniciativas.
Un salto no espazo levaranos ata a outra cara desta realidade, a Occidente en xeral e Galicia en concreto. O documental centrarase neste momento nas interaccións entre a India e occidente, tanto negativas (as raíces da pobreza, a explotación dos recursos, a orientalización das imaxes) como positivas (a cooperación e o entendemento intercultural, entre outras) entre as que se destacará e presentará o microcrédito.